اهداء الى من يقول البنت عنوان الخيانه

بنت والكل قال البنت لازم تخون
.....................لازم تطعنك في يوم وترحل

كيف تباها الحب لك تصون
...................كيف تباها تحبك وبحبها اتدلل

غلطان يا من حبيتها بجنون
...................مست حيل البنت لك فيوم تنذل

ترى كل عذابك ودموعك عندها تهون
...................بس المهم توصل لمطلبها ترحل

لاتحب لك بنت يا غبي لو مهما يكون
...................حب لك بقره ترى والله افضل

هذا كلام منهو قلبه مطعون
.................بغدر بنت وهي حبه الاول

ارد عليكم مب كل بنت تراها تخون
................وبضرب لك مثل بحبيب صرت له منذل

عشت ست شهور ودمعي ما يفارق العيون
................وقلب ي من عذابه صار منحل

ابتسم له واقوله يا روحي يا مضنون
...............وينها بسمتك وانت القمر لي حل

يبتسم ويضحك وربعه علي يضحكون
...............على باله غبيه ما افهم كلامه اللي يعل

وربي مشيت معاه وكل يوم تزيد بس الطعون
...............ما همني طعنه بس المهم يكون الاجمل

اعطيته وردة وفاي وله صارت تمون
...............لكن سقاها المر وصارت كل يوم تذبل

وربي للحين ما عرفت سبب فرقا المضنون
................ولا عرفت ليش الدمع على خدي حول


عرفت ان كلامه كله كذب وظنون
................وان عمره ما حبني ولا حبه لي وصَل

كان بكلاامه معاي كل يوم زوجته يخون
..............ويقول لاني متزوج وبصير لج المعرس الاول

لبسني كفن ابيض وصرت به مدفون
...............ولبسني ثوب العذاب اللي بعشرتي معاه فصَل

اسمع يا من تنعت البنت بالغدر والخيانه والطعون
...............اشوف الرجال صان بيته وللامر امتثل

اشوفه بدى حرمته على كل بنت بصوت مزيون
...............اشوفه يحب بيته ولشوفة اهله يتعجل

وربي انه ما صان عشره دامت سنون واسنون
..............وربي انه غدر باهله اللي هم الافضل

كيف ابيه اليوم لعشرتي انا يصون
...............كيف ابيه بحبي يموت ولي انا يمتثل

ترى يا خوي مو بس البنت هي روحها تخون
................وربي الخيانه تجي من افضل رجل

كلا الجنسين ياخوي دوم يغدرون
................وكلا الجنسين تعذب وبالعذاب ارتحل

لا تظن ان جنس البنات هو بس روحه ملعون
..................ترى ابليس لقلب كل واحد منا وربي وصل

وكلنا في يوم ذرفنا من دموع العيون
................وكلنا والله تعذبنا وجسمنا من العذاب نحل

لكن الوفي طول عمره وفي ابد ما يخون
..................اما الغدار فسلم عليه اذا لعندك وصل